Chie semus
Sardware est unu grupu de ativistas chi traballat dae su bàsciu pro sa presèntzia de su sardu in sa tecnologia. Traduimus programmas pro elaboradores e telèfonos, mantenimus resursas linguìsticas pro sa tradutzione e contribuimus a s'isvilupu de tecnologias pro sa limba.
Adrià Martín Mor
Musitzista, tradutore, dotzente universitàriu ispetzializadu in tecnologias pro sa tradutzione in s’Universitat Autònoma de Barcelona e in sa California State University Long Beach. Membru de Softcatalà, presentadore de «Beni cun me», programma de sa RAI in pitzus de is limbas de Sardigna.
Flavia Floris
Sarda, transfeminista, tradutora, dotzente de iscola. Istudiende pro sa tesi de làurea magistrale, at imparadu calicuna cosa in contu de tecnologias pro sa tradutzione e lìnguas minorizadas. Immoe est dotoranda de s’Universitat de Vic – Universitat Central de Catalunya, in ue s’òcupat de istùdios de tradutzione feminista, tradutoras e lìnguas […]
Fortunato Denegri
Tradutore, transcopy, ispetzialista de cuntenutos web dae Istintinu. Laureadu in filosofia e pedagogia in Tàtari, in Tradutzione in Mosca cun una tesi a pitzu de istandardisadura de limbas minorizadas, s’est ispetzializende puru in linguìstica sarda in Tàtari, ma bivet e traballat in Como. Cando s’ammentat tocat puru unu pagu de […]
Ivano Peddis
Istudiante de Istòria e Sotziedade in s’Universidade de Casteddu, interessadu subra sa Sardìnnia e su Mesuterràneu dae su Mesuevu a oe. Ativu in assòtzios e movimentos pro s’amparu de sa lìngua sarda e pro sa giustìtzia climàtica e sotziale. Membru de Sardware dae s’atòngiu de su 2021.